【婚禮籌備懶人包】新人必備,一文解決婚宴座位編排煩惱及7大注意事項

Share on facebook
Facebook
Share on whatsapp
WhatsApp
Share on telegram
Telegram

有唔少新人都認為結婚最麻煩嘅,就是婚宴座位編排。不單止要諗安排幾多圍酒席,賓客中誰跟誰不和,唔可以坐埋一齊,誰跟誰係好朋友,誰應該坐主家席‥‥‥這一系列煩惱,頭腦轉數慢啲都唔得!但諗到自己曾經在婚宴上坐過唔舒服嘅座位後,婚宴座位編排就更加唔可以唔俾多啲心機啦!新人喺派帖前,應確認親友是否出席婚宴,以便預計出席人數和酒席數目。記低佢地嘅名字,再根據賓客嘅身份分門別類,以作安排座位及派帖之用。咁樣嘅話,婚宴當晚就唔會出現混亂嘅情況。

以下係 LOVEWEDPIN 摯愛婚享 小編為準新人搜羅嘅賓客名單篩選及婚宴座位編排小知識,讓大家統計參加婚宴人數,有效率地安排婚宴座位。

篩選賓客名單

Step 1:羅列

新人雙方列出所有想要邀請嘅賓客名單,但要提前做好分類:家人、朋友、同學、同事等,喺每個類別下列出想要邀請嘅賓客,有助於睇清楚是否有遺漏賓客。

Step 2:預算

揀好婚宴場地後,你已經有一個對每一圍粗略嘅預算,呢個時候可以對照初步列出嘅名單,同步確定圍數及賓客人數。

Step 3:斟酌

將已選定嘅名單分為「希望邀請」,即那些你真心希望佢地出席婚禮嘅賓客;「應該邀請」,即以維持人際關係為目的而需要邀請嘅賓客。每一類嘅排列由親至疏,超出既定人數嘅部分可以考慮移出名單,作為備選。但係請記得參考父母嘅意見,要顧及佢地想要邀請嘅賓客,預留出相應嘅名額。

Step 4:確定

反覆斟酌,考慮各種因素後終於確定咗賓客名單。如果名單仍然過長,超出預算或場地容納嘅上限,咁你就必須喺某方面做出妥協,比如更改場地和預算,或者放棄一部分人選,改為日後單獨宴請等。名單擬定好,就可以一一確認檔期,如果有啲賓客因故不能出席,則可加入備選名單中嘅賓客。

安排賓客座位

淨係確定賓客名單仲未夠,婚禮現場座位嘅安排都係要花啲心思!先分別將兩家賓客以群組形式分類,一般可分為親戚、父母嘅朋友、同事、同學、好友五大類,然後再按每個群組統計人數,並仔細為每圍分類。

座位安排以會場前排中心為起點,遵從男左女右(面向台計)嘅傳統,男家賓客設座於左方,女家嘅喺右方。而座桌距離主家席越近,則代表賓客與主人家嘅關係越緊密。故此親戚嘅位置常被安排喺主家席附近,方便父母應酬。

主家席

男女家應各設一席主家席,以示尊重,可免顧此失彼。舞臺前方兩側,是整個婚宴大廳最重要嘅位置,當然要安排俾主人家及直系親屬。一般左側嘅主家席係主角新郎新娘、男方父母、祖父祖母及直屬親友,而右側嘅主家席會安排女家父母及親友等。直系親屬,如兄弟姐妹、祖父祖母等,都應該安排坐喺主家席。另外,長輩和比較親近嘅親人如父母嘅兄弟姐妹或祖父、祖母嘅兄弟姐妹,都應該盡量安排喺主人席或重要嘅位置。至於伴郎、伴娘、大妗姐以及證婚人,可以根據情況安排喺主家席或者副家席上。

男家主家席:兩位新人坐喺面向大家嘅位置,新郎喺新娘嘅左邊,男左女右。新郎嘅左邊依次序為:新郎父母、祖父母、兄弟姐妹及叔伯姑舅等其他長輩。

女家主家席:首位係女方父母,依次為祖父母、兄弟姐妹及叔伯姑舅等其他長輩。

副主家席

假如主家席座位唔夠,則須另設副主家席,安排喺主家席旁邊。可以按雙方親友出席嘅人數決定,通常會安排非直屬近親、其他長輩及親戚坐喺副主家席,如叔伯、姨舅、堂表兄弟姊妹等。如果親戚人數太多,需加設副主家席。

兄弟姊妹席

至於兄弟姊妹席大多喺主家席附近,因為需要他們作為助手,全程協助新人,離得近更方便。假如主家席與副主家席位於最前排,咁兄弟姊妹席就會喺第二排。兄弟姊妹嘅伴侶亦應安排喺同一圍,有時新人也會將自己嘅知心好友放喺呢一圍,年輕一輩一圍,氣氛輕鬆愉快。

其他座位

其他重要嘅來賓,以主家席為中心,越靠近主家席,尊貴程度越高。根據男女主家席嘅位置,將男家和女家嘅賓客分為左右兩排,男左女右。將賓客分成不同類別,如姊妹、兄弟、朋友、同事、同學、普通親友、教友街坊等類別,最好盡量讓同一類別及互相熟識嘅賓客考慮安排一齊,並編定檯號、檯名(如男家中學同學、女家大學同學等)。

賓客座位安排注意事項

由於出席婚宴人數跟預算常有偏差,通常唔同場地各有唔同方案,某啲酒店/酒樓可提供一成圍數嘅調整空間,宜預訂前先傾好條件,以免出現浪費。婚宴場地可能有時間限制,超時有機會另加費用,為免影響當晚賓客盡慶及狂歡氣氛,最好先與場地負責人作好溝通,妥善安排時間。以下係一啲安排座位嘅溫馨小提示:

1. 重視新人家屬

主家席及雙方親人座位一定要按照長幼、親疏依次安排。如果係西式婚禮,有新娘父親帶新娘進入教堂並將新娘交俾新郎嘅環節,建議最好讓新娘父親坐喺靠近紅地毯嘅位置,方便落座。此外,有可能會有新人父母離異嘅情況,且已組建新家庭,如果安排一齊坐會引起尷尬,建議可以安排新人父親和佢嘅現任妻子坐喺第二排,而新人嘅母親和佢嘅現任丈夫坐喺第一排。

2. 長輩嘅座位要安置妥當

家裏嘅長輩除咗父母仲會有祖父母、外祖父母,他們嘅位置一定要安排到離舞台近且出行方便嘅地方,遠離上菜嘅位置,避免發生碰撞,亦唔好太靠近音響。

3. 男左女右

一般會場雙方親友嘅安排都按照「男左女右」嘅規則,左右兩側嘅客人結構基本相同。如果一方嘅客人嚟得比較多,最簡單嘅方法就係讓他們喺兩邊隨便坐,咁樣他們都能有一個很好嘅觀禮視線。

4. 避免尷尬關係

喺安排座位時,切記要考慮賓客間嘅關係,要知道賓客中誰跟誰不和,盡量唔好安排佢地一齊坐。要留意賓客嘅婚姻與感情狀態,如已經分開或離婚嘅狀況,應盡量安排大家座位上有一定距離,適量調動座位會令大家更舒適自然,防止尷尬情況出現。

部份新人任職嘅公司規模可能較大,會邀請唔少管理層或上司出席,呢個時候下屬、同事都怕會被安排一齊坐,出席婚宴猶如上班,不能盡興。因此應盡量將上司和下屬分開而坐,但如果只有一至兩位上司前來,就不用刻意作此安排。

5. 安排傾得埋嘅朋友

對於新人嘅同事、朋友應該將其中相熟嘅人安排喺同一圍方便佢地互相交談,如果安排咗不認識嘅客人喺同一圍,中間都要穿插認識嘅人,避免尷尬。同事、朋友一般都會安排喺婚宴嘅中間區域。

唔少親戚都會一家大細前嚟出席婚宴,你可以將年齡或輩份相近嘅賓客安排喺同一圍,既可讓長輩們互相交流,又可讓晚輩們不用太過拘謹,有伴之餘又方便照顧。例如可以將啱啱做咗父母嘅朋友或者一啲從事相關工作嘅賓客安排一齊坐,雖然佢地之間不相熟,但卻能很快搵到共同話題 ,唔會覺得無聊。

6. 好朋友們嘅座位

婚禮上最容易安排嘅就是好朋友們,因為關係密切,所以不用太講究。但都是要顧及佢地嘅感受,最好將互相認識嘅安排喺同一圍,亦可以男女分開,讓大家有個釋放嘅空間。

7. 適時調動座位

如果某啲婚桌最終只有一半人數出席,睇落去感覺賓客唔多。當你設計座位表嘅時候,就要列明哪些賓客屬「舉目無親」類,可作臨場調動,亦要預先請兄弟團及姊妹團留意賓客到場情況,必要時「執生」,幫忙調動位置。

安排座位時,部份酒席可預留1至2個空位,供隨行嘅工作人員就坐,也方便作臨時調動。同時亦要留意會場有沒有足夠空間供臨時增加酒席,避免座位唔夠嘅情況出現。

最重要嘅係,大家記得將座位表張貼喺接待處,方便賓客對號入座。請賓客喺簽名布留名時,可順便記低賓客到達嘅情況。遇到太多賓客臨時缺席,就可以喺入席前將已到場嘅賓客巧妙地集合一齊, 一嚟可以減少圍數,二嚟可以避免場面冷清。妥善安排婚宴座位,令婚宴更美滿。

相關文章

Whatsapp Group

B2B 新娘子 結婚準備 會員婚享專區 (只限 新娘子 )

專為新娘子而設的 WhatsApp 群組,如果你係準新人,可以一齊入Group傾!

今日飾金價

景福珠寶

$20,260
另加2%佣金
更新日期:2020-10-23
更新時間:22:00

周生生

$20,670
不設佣金
更新日期:2020-10-23
更新時間:19:00

新娘子 Bride

最新 Hair Style 分享

睇啱就Cap 低張相啦!

商戶名單

想搵結婚資訊?全港最新一站式新婚、婚禮資訊平台。專為準新人而設,為新人提供一站式求婚、結婚資訊及服務,包括求婚創意、Pre-Wedding、婚宴場地、中西式結婚禮儀、婚禮習俗、新婚化妝、婚紗晚裝、婚禮攝錄、婚禮喜帖、回禮小禮物等資訊及商戶介紹,讓新人輕鬆籌備婚禮。

影Preweddping 唔知擺咩 Pose 好?

過千張 pre-weddping pose 參考,有啱就Cap低啦!