Pre-wedding 影到over budget ? 5個貼士教你避開「中伏」位,收費陷阱必須要知道

Share on facebook
Facebook
Share on whatsapp
WhatsApp
Share on telegram
Telegram

影一輯完美嘅婚紗相(Pre-wedding 婚紗攝影) 係好多準新娘子嘅夢想,為新人帶來美好回憶,不過影婚紗相有好多要注意嘅事,否則一個唔小心就會落入婚紗公司精心佈置嘅加錢陷阱之中。尤其係,好多婚紗店都會有隱藏式嘅消費項目,好多新人自以為買到最優惠價格嘅影婚紗套餐,但是最後埋單先發現,最初嘅八千元可能就變成差不多二三萬蚊才可「落樓」,完全超出預算開支!

LOVEWEDPIN 摯愛婚享 分享一下Pre-Wedding小貼士,婚紗攝影要知道嘅5大加錢位 ,減低「中伏」機會!

婚攝收費陷阱第1位:拍婚紗之攝影部份

市面上,攝影公司會以婚攝場景及數目作招徠,多不勝數嘅選擇或令新人決定扑鎚!不過,落訂後才發現,原來你的套餐可揀選的婚紗只有寥寥數款,想要更多拍攝就要加錢了。然而,一日拍攝最多8小時包括埋車程,化妝換衫,食飯休息,set 場,實際真正拍攝時間有幾多呢?係咪愈多拍攝場景就愈好呢?拍攝場景愈多,自然攝影師拍攝相片都愈多,你買嘅套餐入冊相片又有幾多張呢?超過咗又係咪要加錢買呢?

新人可在落單前問以下關於婚攝的問題:

  • 婚紗外景和室內景拍攝點安排?邊套衫襯外景,邊套衫襯室內呢?
  • 攝影師會為一套禮服或場地拍攝幾張相呢?
  • 拍婚紗照當天,攝影師及化妝師是否只為一對新人服務?
  • 指定攝影師是否要加錢?
  • 可拍攝的外拍景點有哪些?範圍、車程到哪?是否免費提供外景車?
  • 拍攝景點如須收費的話,入場費用由新人或婚紗店支付呢?
  • 拍婚紗照當天,攝影師臨時無法到,或遇下雨天怎麼處理?
  • 拍婚紗照現場是否允許親友同行?
  • 有側拍服務?航拍機服務?

婚攝收費陷阱第2位:拍婚紗後揀相及修圖

攝影師拍攝幾百張嘅相片俾新人選擇,遠遠超出套餐指定張數。在靚相的功勢下,自問沒什麼定力嘅你可能會因此而荷包出血。還有,一般修圖分為基本修圖及特別修圖(或精修圖)。基本修圖係指相片基本光暗調色,特別修圖係指人物精修包括磨皮、調色及肥瘦等。新人要問清楚,包幾多數量嘅人物精修圖,因為額外加特別修圖嘅費用都唔便宜,一張精修圖普遍收費幾十至一百多元不等。另外,不少攝影套餐都寫「可取回所有攝影相片」,睇落好吸引!然而,你記得問清楚所指嘅係高像素抑或低像素相片,否則又要加錢才能取回原圖。此外,一般攝影公司送基本相簿有21頁,建議擺20-30張相。如果送嘅修圖相好少,通常都會sell你買相買修圖。

新人可在落單前問以下關於婚攝問題:

  • 訂購攝影套餐所提供幾多張嘅基本修圖及特別修圖?
  • 可取回的相片是什麼檔案,高像素抑或低像素相片?
  • 拍攝嘅底片會全數俾返曬客人?還是要自費購買?
  • 加挑入冊的照片,每一張點樣計算?
  • 修圖及相簿要多少天才能回制成品?

婚攝收費陷阱第3位:化妝造型

Pre-wedding當日,有可能有加錢陷阱!攝影團隊會為你安排嘅化妝師可能會以一次性用品為名加徵收費,包括假眼睫毛、粉樸、鮮花造型、花球、飾物等,而且價錢遠超市價。新人記得逐一詢問清楚及自行準備。

新人可在落單前問以下關於影Pre-wedding問題:

  • 拍婚紗外景部份,包唔包跟化妝師補妝?
  • 訂購嘅婚紗套餐會提供幾多SET造型及換衫服務,自己自備服飾點計?
  • 化妝時會唔會有用品需額外收費? 如有需要費用點計算?

婚攝收費陷阱第4位:拍婚紗之攝影產品

為咗吸客,攝影公司會送出一大堆贈品,例如相架、相簿、油畫、電子相冊、簽名畫布、成長片段等,五花八門。新人面對豐富贈品都好難抵擋引誘,因此乖乖落訂。但是諗返轉頭,呢啲物品價值唔高,而且未必用得著,之後更可能誤墮收費加錢陷阱追加其他類型嘅商品。故此,新人應三思自己所需嘅物資,勿貪小便宜。新人記得在落訂前了解相簿、油畫嘅大小、質地,以及留意寫在收據上的贈品及拍下贈品的相片。好多時落訂嗰時係寫一些普通相架,最後介紹你加錢轉最新款嘅9宮格相框又或者水晶相簿等。

新人可在落單前問以下關於影相問題:

  • 訂購嘅婚紗套餐所提供幾多及咩款式大小嘅相架、相簿?
  • 建議幾多入冊照片擺入已包嘅相架、相簿? (讓自己有預算買幾多張修圖相)
  • 相架框材質可否免費任挑選?
  • 送嘅簽名畫布尺寸大小幾多?如有需要轉大要加幾錢?

婚攝收費陷阱第5位:禮服挑選和租借

部分婚攝公司配套都有包含婚紗租用服務,但去到試衫時發現婚紗有分區級數或男西裝只限選某一種顏色,要加錢才可升級大拖尾款或其他分區等。新人可在落訂前先參考店舖提供的款式,有心儀的話,可先拍照,試身時問清楚有無分區。

  • 婚紗、結婚禮服有無分區或加錢服飾?有分區的話收費點計算?
  • 試衫時可唔可以影相?
  • 有無限試幾耐或幾套衫?
  • 有無包埋配襯飾物或鞋款?
  • 試衫有無限某些假期時段唔俾揀?
  • 包幾多套新娘衫幾多套新郎衫?是否包埋服飾,是否需加錢?
  • 如果婚紗尺寸唔啱係唔係包修改?
  • 如發婚紗或禮服有毀損或污漬,點處理?

拍攝婚紗相需要預一個固定開支範圍,往往係新人最容易令婚禮超出預算開支嘅地方之一。了解多D婚紗攝影(Pre-wedding 婚紗攝影)嘅收費陷阱,做個精明嘅準新娘子新郎哥。

相關文章

Whatsapp Group

B2B 新娘子 結婚準備 會員婚享專區 (只限 新娘子 )

專為新娘子而設的 WhatsApp 群組,如果你係準新人,可以一齊入Group傾!

今日飾金價

景福珠寶

$20,260
另加2%佣金
更新日期:2020-10-23
更新時間:22:00

周生生

$20,670
不設佣金
更新日期:2020-10-23
更新時間:19:00

新娘子 Bride

最新 Hair Style 分享

睇啱就Cap 低張相啦!

商戶名單

想搵結婚資訊?全港最新一站式新婚、婚禮資訊平台。專為準新人而設,為新人提供一站式求婚、結婚資訊及服務,包括求婚創意、Pre-Wedding、婚宴場地、中西式結婚禮儀、婚禮習俗、新婚化妝、婚紗晚裝、婚禮攝錄、婚禮喜帖、回禮小禮物等資訊及商戶介紹,讓新人輕鬆籌備婚禮。

影Preweddping 唔知擺咩 Pose 好?

過千張 pre-weddping pose 參考,有啱就Cap低啦!