如果有睇LOVEWEDPIN 摯愛婚享 頭5篇 鑽石懶人包，已經對鑽石4C 及GIA 證書都有深入嘅了解。唔少人都會去周大福、周生生、Forevermark、Tiffany & Co.、Cartier、Chaumet、Van Cleef & Arpels等名店選購，因為哩D高級珠寶品牌嘅鑽石來源有保證。而本來對鑽石無研究嘅你，亦可能對鑽石產生一定嘅認識，即使去到樓上珠寶店／無咁出名嘅珠寶店都唔怕比人呃！除咗鑽石4C標準之外，亦有一個因素會影響鑽石嘅價值，就係「螢光反應」(Fluorescence)。
Fluorescence 螢光是指當曝露於紫外光 (UV) 放射線時，鑽石有無帶有藍光或其他顏色的光。螢光色包括、橙黃色、粉色等，最常見的為藍色。有一部分鑽石會因為強烈的螢光反應而影響透明度，令鑽石的色澤變暗，影響亮度。但係有時候，螢光反應反而可以提高淺黃系列鑽石的顏色級別 (約K色以下)，因為螢光的藍色可以中和淺黃色，令鑽石接近於無色。並非所有鑽石都具有螢光反應，但約有三分之一的鑽石都帶一點螢光。
提供了一張圖片，大家可以從中參考下：
螢光反應 (Fluorescence)
根據GIA 準則，鑽石螢光反應的程度，由低至高進行區分：
- None 無
- Faint 微弱
- Medium 中等
- Strong 明顯
- Very Strong 非常明顯
可以睇睇以下短片更加詳細知道螢光反應如何影響鑽石：
購買鑽石 小貼士
如果你嘅預算不是太高，只能買I級以下顏色嘅鑽石，可以嘗試選擇帶有螢光嘅鑽石，咁會有助於鑽石看起來更白，在日光下更好看，反而有加分效果。而且，帶有螢光反應鑽石的價格亦比沒有螢光反應的鑽石相宜，可能會係更好嘅選擇。如果你嘅預算可以購買H以上顏色嘅鑽石，就應該要選擇 NONE (無螢光) 或是 FAINT (微弱螢光) 嘅鑽石，因為螢光對你嘅鑽石顏色不會加分！總括而言，螢光的影響要視乎鑽石的顏色等級而決定。
相關文章：
【鑽石懶人包】點揀求婚戒指？買鑽戒注意事項，GIA證書、4C知識，揀最高CP值鑽石全攻略 (一)
【鑽石懶人包】點揀求婚戒指？買鑽戒注意事項，GIA證書、4C知識，揀最高CP值鑽石全攻略 (二)
【鑽石懶人包】點揀求婚戒指？買鑽戒注意事項，GIA證書、4C知識，揀最高CP值鑽石全攻略 (三)
【鑽石懶人包】點揀求婚戒指？買鑽戒注意事項，GIA證書、4C知識，揀最高CP值鑽石全攻略 (四)
【鑽石懶人包】點揀求婚戒指？買鑽戒注意事項，GIA證書、4C知識，揀最高CP值鑽石全攻略 (五)
【鑽石懶人包】點揀求婚戒指？買鑽戒注意事項，GIA證書、4C知識，揀最高CP值鑽石全攻略 (六)
