【鑽石懶人包】點揀求婚戒指？買鑽戒注意事項，GIA證書、4C知識，揀最高CP值鑽石全攻略 (五)

「鑽石恒久遠，一顆永留存」，鑽戒係女生們愛不釋手嘅飾品，亦係每一位男生作為求婚必備嘅物品。有人話男生們應該需要花三個月嘅薪金去買求婚戒指，顯出誠意。雖然鑽戒會令女生們雙眼發光，但都未必有興趣深究。如果知道當中取巧，就會幫到你揀CP值高，又平價嘅好鑽戒。前四篇文章已經講咗鑽石4C中嘅其中3C《卡數 (Carat)、切割(Cut) 、顏色(Colour)》，及揀鑽石時嘅小貼士。今篇介紹4C中最後一C，清晰度(Clarity)，亦有人稱為淨度。

淨度(Clarity)係指鑽石嘅純淨程度，幾乎所有鑽石都不可避免會產生內含物或者其他含有礦物質同瑕疵，係天然鑽石不可或缺嘅印記。外層鑽石面，亦有可能留有劃痕等印記(表面瑕疵)。如果係完美嘅鑽石，即係要無內含物和表面瑕疵，極度罕見，通常都係價格驚人，係鑽石收藏家嘅心頭好。

又唔洗咁擔心，其實大部分表面瑕疵用肉眼係睇唔出嚟，要喺10倍放大鏡下先可以辨別出嚟。買求婚鑽戒，一般人，都將淨度放喺4C最唔重要嘅因素，但要留意，如內含物位置處於邊沿，鑲嵌過程甚至可能導致鑽石碎裂。有大型珠寶店(周生生、周大福、六福等)團隊，會仔細研究每粒鑽石嘅內含物位置，以確保鑲嵌後嘅鑽戒完整。跟據 GIA 鑽石清晰度標準，分為6個類型，總11個等級：

完美無瑕 (FL, Flawless)

喺專用放大鏡下觀察，鑽石沒有任何內含物或表面特徵。市面上，極為罕見，比例少於 1%，所以價值極貴。

內無瑕（IF, Internally Flawless)

喺專用放大鏡下觀察，鑽石內部沒有任何內含物。或者會喺一些睇到表面嘅小瑕疵。

極輕微瑕 (VVS, Very Very Small Inclusion)

VVS1 及 VVS2 等級嘅鑽石有極少內含物。就喺專用放大鏡下觀察，都好難睇到內含物。

非常輕微瑕 (VS, Very Small Inclusion)

VS1 及 VS2 等級嘅鑽石要喺專用放大鏡下會見到有微小內含物。

微瑕 (SI, Small Inclusion)

SI1 及 SI2 等級嘅鑽石喺沒有放大鏡下，肉眼可能可以看到內含物。如果喺專用放大鏡下觀察，鑽石會輕易見到內含物。

內含級 (I, Inclusion)

I1 等級嘅鑽石喺肉眼可能可以看到內含物。

I2及I3 等級嘅鑽石喺肉眼會睇到更多嘅內含物，而且有機會影響到鑽石嘅持久性。

關於揀鑽石淨度小貼士

無需要揀一粒完美無瑕嘅鑽石
揀一個合適範圍 (VVS1, VVS2, VS1, VS2, SI1, SI2)，會更高性價比，實用性較高，價格也相對較平
內含物選 feather、pinpoint、needle、twinning wisp 等為較好。

原文網址：https://kknews.cc/zh-hk/culture/qybnzb.html

常見鑽石內含物分類

GIA證書上，亦會清楚列明內含物嘅位置。以下係證書內會睇到嘅常見內含物名稱，而家俾大家睇睇相，分辨一下唔同內含物喺放大鏡之下嘅實物相，同其他內含物解釋：

羽裂紋(Feather)

內含晶體 (Included Crystal)

雲狀物(Cloud)

針狀物(Needle)

特徵	英文	說明
鬚狀腰圍	Bearding	腰圍在打圓過程中造成向內延伸的細小羽裂紋。
瘀痕	Bruise	表面受擊產生叉狀分裂之裂紋。
洞痕	Cavity	大而深的開口。
缺口	Chip	一般為小而淺的開口，常見於腰圍邊緣(有時很大)。
雲狀物	Cloud	由無數極細微內含物聚集造成的模糊或乳狀區域。
羽裂紋	Feather	由破碎或分裂造成的裂口，常呈現白色或羽狀的外觀。
攣晶中心	Grain Center	異常結晶構造集中於一個小據點，偶而與針點結合
內含晶體	Included Crystal	鑽石內部所含礦物結晶。
鋸狀天然面	Indented Natural	凹凸不平之夭然面。
內部攣晶紋	Internal Graining	異常結晶顯現於內部者，常呈乳狀，透明線條，彩色或反射狀。
晶結	Knot	內含晶體延伸至已切磨鑽石表面。
雷射洞	Laser Drill Hole	因雷射造成的細小管狀孔洞，其表面開口如一小洞，細管延伸入鑽石內如針狀。
針狀物	Needle	又長又細的內含晶體有如一支細棒。
針點	Pinpoint	極細微內含物，十倍放大鏡下如一小白點，單一或成群狀。
孿晶網	Twinning Wisp	異常結晶造成的雲狀區域，常與雙界面銜接一處。

缺隙 BLEMISHES

特徵	英文	說明
磨損	Abrasion	刻面連接處許多細微缺口，使稜線呈白色模糊狀而非尖銳線條。
額外刻面	Extra Facet	不因對稱或切割形式要求的額外的刻面。
天然面	Natural	在已切磨鑽石表面留下的原石表面。
小缺口	Nick	在腰圍或刻面邊緣的v字形小缺口。
白點	Pit	看來橡一個白點的小缺口。
拋光線	Polish Lines	因磨光而留下的微細平行線條。其線條範圍僅限於一個刻面，係由異常結品造成，或者細小，平行的糟狀線條，係由不規則的砂輪表面造成。
磨損痕	Polish Mark	因高熱導致霧狀表面(又稱燒灼痕或燒灼表面)，或因異常結晶造成的不平整拋光面。
粗糙腰圍	Rough Girdle	粗糙或有許多細小缺口的腰圍表面。
刮痕	Scratch	彎曲或平整的白色線狀刮擦痕跡。
表面攣晶紋	Surface Graining	異常結晶顯現於表面者，呈透明線條與稜線相似，有時也呈糟狀或不乎的表面，通常跨越稜線。