【鑽石懶人包】點揀求婚戒指?買鑽戒注意事項,GIA證書、4C知識,揀最高CP值鑽石全攻略 (二)

Share on facebook
Facebook
Share on whatsapp
WhatsApp
Share on telegram
Telegram

鑽石係求婚戒指嘅靈魂,靚、閃、稀有、珍貴係每粒鑽石嘅代名詞,都是獨一無二,係時間、地點和變化創造而成。上篇講咗GIA證書嘅重要性,同埋要注意嘅地方!今篇開始,LOVEWEDPIN 摯愛婚享 小編 會帶大家了解鑽石中每一個細節。要揀最高CP值嘅鑽石,最重要就係要了解鑽石有四個因素(簡稱4C),哩套鑽石評級系統,係指:鑽石嘅顏色 (colour)、淨度 (clarity)、克拉 (carat) 、切工 (cut)。 跟據GIA標準,每粒鑽石都有相應等級,目的係俾客人選購鑽石時,都有一個清晰客觀嘅比較準則、指引!每一顆鑽石特有嘅品質決定鑽石嘅價值。買求婚戒指之前,必須要留意! 首先,帶大家了解第1個C,顏色 (Colour):

鑽石 顏色 (Colour)

鑽石顏色分級表
鑽石顏色分級表

按照GIA標準,制定由D (無色) 到Z (淡黄色) 嘅分級制度,而顏色上嘅差異,對鑽石價值有非常直接嘅影響。 無色的鑽石 (愈接近D級) 極其罕有,光線折射度亦是鑽石當中最高的,所以價錢亦係最貴:

D E F = 透明無色 (Colourless)

D,E,F 成色嘅鑽石,屬於鑽石最高級別,係完美主義者嘅選擇類別。

D色鑽石完全無色,非常罕有。透光度極佳,能散發耀眼光芒,係最高價值嘅鑽石。

E色鑽石其實同D級幾乎無分別,都係無色,非常罕有。透光度佳,能散發耀眼光芒。

F成色比E嘅顏色會明顯一點點,但亦需要喺珠寶專家檢測下,先至能看出好輕微嘅顏色分別。同樣,F色歸類為最高級別,係好有價值嘅鑽石類別。

G H I J = 接近透明無色 (Near Colorless)

在香港,哩個求婚介指嘅鑽石顏色更受男士們喜歡,亦十分適合亞洲較白皮膚嘅女生。因為哩個級別嘅鑽石會比最高級別平,具有良好CP值。鑽石鑲嵌後,無色 (D-F) 同接近透明無色 (G-J) 嘅鑽石,係外觀上,幾乎看不出差別,但價格相差可以好大!G-J色係最高性價比嘅選擇!

G色及H色成色嘅鑽石,僅帶有極輕微淺黃暖色調 ,除非同D,E,F 成色嘅鑽石並排比較,否則用肉眼極難以察覺,亦能體現出卓越價值,絕對係最佳嘅選擇。

I色及J色成色嘅鑽石,帶有輕微嘅黄色 ,1克拉以上相對明顯,除非同G,H級或者更高級別平排比較,否則用肉眼極難以察覺。如果鑽石具有中度藍色螢光 (稍後會討論),反而會令鑽石顯得更白。

K L M = 稍輕微黃色 (Faint Yellow)
N O P = 輕微黃色 (Very Light Yellow)
S T U V W X Y Z = 淺黃色 (Light Yellow)

市面上,大型珠寶店 (例如:周大福、周生生、六福、甚至樓上珠寶店) 都極少有K色打後級數嘅鑽石出售,因為K色之後嘅鑽石,已經可以用肉眼看到顏色。由於鑽石內部有稍微色調嘅天然黃色,大部分人會覺得鑽石偏黃。K色鑽石的價格通常是 G 色鑽石嘅一半左右。K色之後嘅鑽石適合膚色較深或者經常暴曬在陽光下嘅女生們,亦最適合搭配黃金,會顯得特別明亮,更加唔覺鑽石帶有黃色。

Z 以上 = 彩鑽

顏色深度超出“Z”嘅所有鑽石稱為彩鑽。彩鑽有黃鑽、藍鑽、粉鑽等;彩鑽注重顏色,顏色越鮮豔,價錢越高,本篇文章不會詳細討論!

買求婚戒指 注意事項 及 購買秘訣

鑽石顏色等級之間嘅分別差異其實非常微細,雖然一般人好難分辨出鑽石成色屬於哪個等級;但事實上,即使係微細嘅等級分別,都會有可能造成價格上嘅千差萬別。一粒鑽石顏色級別越高,價錢就越貴。如果係完美主義者,可以選擇連放大工具下都無法察覺任何顏色嘅D-F色嘅無色鑽石,但價錢較貴。如果你或者另一半唔係完美主義者,可以選擇近乎無色嘅 G-J 色鑽石,性價比最高,慳返唔少Budget。小編再三提醒,除非你係鑽石鑑證專家或者係鑽石收藏家,否則外行人單憑一粒石,根本很難很難可以睇得出鑽石顏色嘅級別;行外人反而會留意係卡數 (carat) 上,愈大粒可能會愈實際!

下篇文章,小編會詳細探討鑽石嘅切工 (cut),亦係最重要一環,最影響鑽石嘅閃爍程度。

相關文章:

【鑽石懶人包】點揀求婚戒指?買鑽戒注意事項,GIA證書、4C知識,揀最高CP值鑽石全攻略 (一)

【鑽石懶人包】點揀求婚戒指?買鑽戒注意事項,GIA證書、4C知識,揀最高CP值鑽石全攻略 (二)

【鑽石懶人包】點揀求婚戒指?買鑽戒注意事項,GIA證書、4C知識,揀最高CP值鑽石全攻略 (三)

【鑽石懶人包】點揀求婚戒指?買鑽戒注意事項,GIA證書、4C知識,揀最高CP值鑽石全攻略 (四)

【鑽石懶人包】點揀求婚戒指?買鑽戒注意事項,GIA證書、4C知識,揀最高CP值鑽石全攻略 (五)

【鑽石懶人包】點揀求婚戒指?買鑽戒注意事項,GIA證書、4C知識,揀最高CP值鑽石全攻略 (六)

相關文章

Whatsapp Group

B2B 新娘子 結婚準備 會員婚享專區 (只限 新娘子 )

專為新娘子而設的 WhatsApp 群組,如果你係準新人,可以一齊入Group傾!

今日飾金價

景福珠寶

$20,260
另加2%佣金
更新日期:2020-10-23
更新時間:22:00

周生生

$20,670
不設佣金
更新日期:2020-10-23
更新時間:19:00

新娘子 Bride

最新 Hair Style 分享

睇啱就Cap 低張相啦!

商戶名單

想搵結婚資訊?全港最新一站式新婚、婚禮資訊平台。專為準新人而設,為新人提供一站式求婚、結婚資訊及服務,包括求婚創意、Pre-Wedding、婚宴場地、中西式結婚禮儀、婚禮習俗、新婚化妝、婚紗晚裝、婚禮攝錄、婚禮喜帖、回禮小禮物等資訊及商戶介紹,讓新人輕鬆籌備婚禮。

影Preweddping 唔知擺咩 Pose 好?

過千張 pre-weddping pose 參考,有啱就Cap低啦!