【鑽石懶人包】點揀求婚戒指?買鑽戒注意事項,GIA證書、4C知識,揀最高CP值鑽石全攻略 (一)

Share on facebook
Facebook
Share on whatsapp
WhatsApp
Share on telegram
Telegram

求婚前,買求婚戒指基本上係必須的,亦要先認識鑽石。但係,對於仲未接觸過鑽石嘅男生們,係一件非常痛苦嘅事。原來鑽石有非常多嘅學問,要了解鑽石4C,亦要留意其他因素及GIA標準。市場上,亦有好多出名嘅珠寶店 (例如:卡地亞 Cartier,周生生,周大福,Tiffany),近年亦多咗唔少樓上鑽石珠寶店加入,點先可以買到高CP值嘅求婚戒指?

LOVEWEDPIN 摯愛婚享 小編 為各位準新人準備一系列【鑽石懶人包】,將所有必須要知道嘅注意事項都列出來,幫大家做足功課,方便大家喺買鑽戒之前熟讀,記得要收藏!分享俾各位兄弟了!

GIA證書

首先,買高貴嘅鑽石,一定要根據全世界最具公信力的鑑定機構 GIA (Gemological Institute of America),中文名稱為美國寶石學院。GIA 由1953年已經創立國際鑽石分級系統,除咗根據每粒鑽石嘅顏色、淨度、克拉(卡數)、切工四個項目評級之外,亦會根據打磨和對稱度等項目評分,係現時全世界最具權威嘅鑑定機構。而每粒鑽石都有獨立嘅報告號碼,哩個獨立號碼大部分都會刻喺每粒鑽石嘅邊緣位置,需要用專門放大鏡先會睇到相關號碼。只需要喺 GIA REPORT CHECK 輸入報告號碼,即可查到每粒鑽石嘅報告詳情,亦可下載全份報告 (PDF),每一個細節,都顯示喺報告內。GIA証書本身有防偽設計特徵,例如:雷射防偽標籤、防偽線、浮水壓印、溫度感應防偽標籤、防偽CMYK色點、QR code。所以,市場上,假證書幾乎唔會出現;但是,購買鑽石時,更要留意嘅係刻喺鑽石腰圍位置號碼 (GIA 鐳射號碼) 要完全同GIA證書上嘅鑽石報告號碼一致。

GIA鑽石證書有兩種,一卡以下嘅鑽石常用GIA Diamond Dossier證書 (小本),特徵係證書比較細張,而且證書無畫出鑽石內含物標示圖。

一卡以上嘅鑽石常用 GIA Diamond Grading Report證書 (大本), 證書大約有A4 SIZE,亦附有凈度素描圖,列明鑽石入面有嘅雜質。GIA證書清楚列明鑽石的質量,證書編號唔一定會刻在鑽石腰圍上,如果無刻上腰圍,專業鑑定師通常都要透過專業儀器去確認鑽石重量與尺寸是否與證書相符。證書上,有明確寫明鑽石有無刻上鐳射號碼,只需要睇一欄:Inscription 即可得知。

有人會問:如果刻上鐳射號碼,會唔會影響左粒鑽石嘅淨度?其實GIA鐳射號碼是用高端鐳射科技刻制,只要加熱火炙燒就可以去除鐳射號碼,亦唔會影響淨度。

以下係 GIA Diamond Dossier證書 (小本) ,僅供參考之用:


以下係 GIA Diamond Grading Report證書 (大本),僅供參考之用:

第1部分

● 日期:開立GIA證書的日期。
● GIA Report Number證書編號:此編號就係雷射刻印於鑽石腰圍編號。
● Shape and Cutting Style 形狀與車工:車工切割形狀。
● Measurements 鑽石尺寸:直徑(最小-最高) X 高度 。

 第2部分

● Carat Weight重量:克拉 (Carat) 是計算鑽石重量的單位,1克拉相當於0.2公克。
● Color Grade 顏色:透過專業比色石,將鑽石成色分級為D (透明無色) 至Z (淺黃色)。
● Clarity Grade 淨度:根據鑽石內含物將其區分為FL-I3共11等級。
● Cut Grade 車工:可分為極優(Excellent)、優良 (Very good)、良好 (Good)、尚可 (Fair)、不良 (Poor) 等級。

 第3部分

● Polish 拋光:拋光可增加鑽石嘅亮度,可分為極優 (Excellent)、優良 (Very good)、良好 (Good)、尚可 (Fair)、不良 (Poor) 等級。
● Symmetry 對稱:指鑽石左右切割嘅對稱姓,在Good以上等級嘅鑽石會出現唔同程度嘅八心八箭圖案。有極優 (Excellent)、優良 (Very good)、良好 (Good)、尚可 (Fair)、不良 (Poor) 等級。
● Fluorescence 螢光:鑽石螢光嘅強弱反應。
● Clarity Characteristics 淨度特徵:在顯微鏡下觀察到嘅鑽石內部特徵嘅形狀標示。
● Inscription(s) 雷射刻碼:刻喺鑽石腰圍上的雷射刻碼,必須要同GIA Report Number一様。

 第4部分

● GIA Report Number 證書編號

 第5部分

● Proportion 比例:車工各項特徵。

 第6部分

● GIA Color Scale 成色等級
● GIA Clarity Scale 淨度等級
● GIA Cut Scale 車工等級

GIA 官方教學:如何選擇鑽石

以下係GIA官方教學,大約5分鐘時間,更快更容易對鑽石有基本嘅了解:

其實,除咗GIA之外,世界上仲有好多鑑定機構,其中較出名有歐洲機構 IGI (International Gemological Institute)EGL (European Gemological Laboratory)GSI (Gemological Science International)、英國機構AGS (American Gem Society),各有唔同嘅評審基準,但市面上鑑定所不計其數,但大多良莠不齊而且缺乏水準。喺香港,GIA都係最為人所熟識、最多人採用嘅標準。

亦有人會問點解GIA評定顏色是由D開始?因為市面上有多種不同的系統去鑑定顏色,有的用英文字母:A、B、 C、AA、AAA;有的用數目字:0、1、2、3等等,所以為免混亂,GIA用D因為鑽石 (diamond) 字首為D,亦唔會同其他機構相撞,作為最高級別嘅開始。

根據GIA標準,要先了解最重要嘅知識:鑽石 4C,指:鑽石的顏色 (colour)、淨度 (clarity)、克拉 (carat) 和切工 (cut)。下一篇 小編會同大家分析認清鑽石4C嘅重要性。

相關文章:

【鑽石懶人包】點揀求婚戒指?買鑽戒注意事項,GIA證書、4C知識,揀最高CP值鑽石全攻略 (一)

【鑽石懶人包】點揀求婚戒指?買鑽戒注意事項,GIA證書、4C知識,揀最高CP值鑽石全攻略 (二)

【鑽石懶人包】點揀求婚戒指?買鑽戒注意事項,GIA證書、4C知識,揀最高CP值鑽石全攻略 (三)

【鑽石懶人包】點揀求婚戒指?買鑽戒注意事項,GIA證書、4C知識,揀最高CP值鑽石全攻略 (四)

【鑽石懶人包】點揀求婚戒指?買鑽戒注意事項,GIA證書、4C知識,揀最高CP值鑽石全攻略 (五)

【鑽石懶人包】點揀求婚戒指?買鑽戒注意事項,GIA證書、4C知識,揀最高CP值鑽石全攻略 (六)

相關文章

Whatsapp Group

B2B 新娘子 結婚準備 會員婚享專區 (只限 新娘子 )

專為新娘子而設的 WhatsApp 群組,如果你係準新人,可以一齊入Group傾!

今日飾金價

景福珠寶

$20,260
另加2%佣金
更新日期:2020-10-23
更新時間:22:00

周生生

$20,670
不設佣金
更新日期:2020-10-23
更新時間:19:00

新娘子 Bride

最新 Hair Style 分享

睇啱就Cap 低張相啦!

商戶名單

想搵結婚資訊?全港最新一站式新婚、婚禮資訊平台。專為準新人而設,為新人提供一站式求婚、結婚資訊及服務,包括求婚創意、Pre-Wedding、婚宴場地、中西式結婚禮儀、婚禮習俗、新婚化妝、婚紗晚裝、婚禮攝錄、婚禮喜帖、回禮小禮物等資訊及商戶介紹,讓新人輕鬆籌備婚禮。

影Preweddping 唔知擺咩 Pose 好?

過千張 pre-weddping pose 參考,有啱就Cap低啦!